meiri hlaupabóla

Já hlaupabólan heldur áfram að ráða ríkjum hér í B4. Öllu verra tilfelli en í síðustu viku, margar stórar bólur og á ýmsum mis skemmtilegum stöðum! Bubbi byggir og Tommi togvagn hafa reynst okkur vel undanfarna daga og hjálpað til við að lina kláðapirring. Annars hefur litla systirin mest fengið að finna fyrir skapsveifluköstum bóludrengsins. Dótið sem hún situr með í mestu makindum sínum hverfur á undarlegan hátt, tímarit eitt fékk hún í hausinn þónokkrum sinnum, svo er stundum öskrað á hana ´gå ud´ þangað til skeifan lætur undan og tárin fara að renna! Það er ekki alltaf tekið út með sældinni að eiga eldri bróðir, sérstaklega ekki bróðir með hlaupabólu!