ástand

Litla 6 mánaða krílið mitt er með hlaupabólu !!!
Hitavellan hennar fyrir helgina endaði sem sagt í nokkrum bólum á höfðinu á henni og núna poppa upp bólur um allann kroppinn, þó mest í hársverðinum og á hálsinum. Hún harkar þetta þó af sér og brosir sínu blíðasta, þessi elska. Hún sefur þó laust og illa greyið, enda ábyggilega farið að klægja hressilega.

Ekki nóg með hlaupabólu, heldur náði ég mér líka í einhverja skíta flensu um helgina. Gaf mér þó lítinn tíma fyrir veikindi, enda með fullt hús af fólki og nóg að gera. Það endaði ekki betur en svo að ég eyddi fyrrinótt í margra klukkustunda samvistum með Gustavsberg og lá svo rænulaus í allan gærdag með hita og leiðindi. En ég er sem betur fer öll að koma til og get farið að sinna litla sjúklingnum mínum.

Ofan á þetta alltsaman fór Nói í stutta pössun til Heidi í gær. Þar tókst honum að æla á gólfið og kom heim eins og vofa, grár og gugginn. En eftir klukkutíma með Lottu var hann allur hressari og fékk að fara á vöggustofuna í morgun.

Til að toppa ástandið á heimilinu hélt Ylfa pabba sínum vakandi dágóða stund í nótt, vegna verkja í hægri fæti... Í morgun þegar hún vaknaði verkjaði hana líka í vinstri fótinn. Gætu hreinlega verið vaxtarverkir, veit það ekki.

Svei mér þá, ég segi bara pass!