Sudoku

Ég verð að játa það fyrir mér og mönnum að ég er orðin Sudoku fíkill.... Þetta byrjaði allt sakleysislega á baksíðu Politiken um helgar, en eftir að Gummi keypti handa mér Sudoku bók hef ég varla á mér heillri tekið! Börnin eru vanrækt, líf er að myndast í öllum hornum íbúðarinnar og ég er hætt að nærast. Neiiii kannski ekki alveg, en mikið hrikalega er þetta skemmtilegt. Maður verður gjörsamlega húkkt á þessu. Mæli með´essu!!

Örlitlar breytingar hafa verið gerðar á Íslandsferðinni okkar. Ég reyndi að ljúga því að ástkærri móður minni í gær að við kæmumst bara ekki til Íslands um jólin. En ég hélt það ekki út, ég hreinlega fann angist hennar í gegnum tölvuna! Þessi elska. Við erum sem sagt búin að breyta dagsetningum á flugi þannig að við verðum mætt á klakann eftir mánuð. Gummsi ætlar að taka 3 vikna aðventunámskeið í HR sem byrjar í lok nóv. Og ekki fer ég að sitja hér ein með börnin á meðan. Þetta verður því ansi langt jólafrí hjá okkur...

Og mr. Harðarson er orðinn pabbi!!! 11 marka strákur kom í heiminn síðustu nótt, sprækur og flottur. Til hamingju með juniorinn elsku Einar og Ásdís!!!