hor og frunsa...

Jú snjórinn er farinn og kominn tími á vorið :-)
Þetta var nú meiri snjóvitleysan, aldrei man ég eftir því að búðirnar hafi verið mjólkurlausar á Skaganum vegna snjóþyngsla. Hvað þá að kennsla félli niður í skólum og leikskólum! Enda erum við Íslendingar hörkutól og látum ekki nokkrar snjóflygslur villa okkur sýn :-)

Litli draumaprinsinn minn, heimsmeistarinn í næturbrölti, er orðinn lasinn enn á ný! Pensilin skammturinn kláraðist fyrir rúmri viku og nú er það hiti, hor og hósti. Finnst ykkur þetta eðlilegt?

Stóra systir sýnir flotta takta í sex ára unglingaveikinni :-) Við þökkum pent fyrir að hurðirnar hanga enn á hjörunum í íbúðinni! Svo tók skvísan upp á því að smella á sig eins og einu stykki af frunsu!!! Og hvar haldiði... á nefið að sjálfsögðu! Ég sem lifði í voninni að hún væri sloppin, að nefið á henni fengi allavega að vera í friði. Hvað er þetta annars með frunsur á nefið, er það ekki bara óþarfi!!!